КАРАНТИНДА ТЎЙ ҚИЛДИМ - HIKOYALAR va SHE'RLAR • Kutubxonachi.uz

КАРАНТИНДА ТЎЙ ҚИЛДИМ

Xurshid Karim. Muallifning She'ri

Орзу, ҳавас дейдилар,
Орзуларим ой қилдим,
Янги давр, янгича,
Карантинда тўй қилдим.

Бу замоннинг талаби,
Карантинча янги тўй,
Битта новвос ўрнига,
Сўйдим кичик қўчқор қўй.

Ортиқча сарф, ҳашам йўқ,
Исроф йўқ энг муҳими,
Кимга ёқар айтинглар,
Дабдаба тўй чиқими.

Ароқ,вино ўрнига,
Аччиқина чой қилдим,
Мўжъазгина ҳовлимга,
Қирқ кишилик жой қилдим.

Тўполон йўқ,меҳмонлар,
Маза қилиб сўйлашди,
Санъаткорлар бемалол,
Жонли қўшиқ куйлашди.

Ҳаммаси жой -жойида,
Кўнглим сира доғлиқмас,
Орзу,ҳавас аслида,
Ҳашам билан боғлиқмас.

Тўй ҳам ўтди тинчгина,
Ҳеч бир кўнгил ўлмади,
Энг муҳими ортиқча,
Исроф,увол бўлмади.

Янги давр,янгича,
Карантинча тўй қилдим,
Ортган маблағим билан,
Ҳўжалигим бой қилдим.