Қиз боланинг қисмати - HIKOYALAR va SHE'RLAR • Kutubxonachi.uz

Қиз боланинг қисмати

No'malum. Muallifning She'ri

Қиз боланинг қисмати палахмонга ўқмиди,
Дада сизга сотгани бошқа нарса йўқмиди,
Ранжитдимми сизни ё озорларим кўпмиди,
Дада сизга сотгани бошқа нарса йўқмиди.

Жонимсан жоним болам деганингиз ёлғонми,
Жонни бошқа қўлларга бериш шунча осонми,
Тақдирнинг бозорида қизнинг нархи арзонми,
Дада сизга сотгани бошқа нарса йўқмиди.

Кўзингиз қароғида гавҳар каби ўсгандим,
Кенг ҳовлининг қучогида жавхар каби ўсгандим,
Акамлардан ортиқроқ мен нима сўрагандим,
Дада сизга сотгани бошқа нарса йўқмиди.

Йиғласам куз ёшимга бардошингиз етмасди
Сиз рози бўлмасангиз мени олиб кетмасди.
Қалин пулни кўп берган қудангиз кутмасмиди
Дада сизга сотгани бошқа нарса йўқмиди.

Ёт уйида бегонаман дуойингиз ҳамроҳим,
Мени йиллаб меҳмон қилган мезбоним дадажоним,
Юрагимнинг бир четида турибди битта оҳим,
Дада сизга сотгани бошқа нарса йўқмиди.